Google ADS

Breshka 30-vjeçare parashikoi se kush do ta fitojë Ligën e Kampionëve

12:47 | 27 Maj 2022
A. B.

Breshka tridhjetë vjeçare e njohur me emrin ‘Yellow’, që pesëmbëdhjetë vjet më parë mbërriti në Akuariumin Sea Life në Benalmadena të Malagas nga Ishujt Kajman, ka parashikuar finalen e madhe të Ligës së Kampionëve.

Sipas breshkës “Yellow”, Liverpooli do të fitojë finalen e Ligës së Kampionëve kundër Real Madrid të shtunën mbrëma në Paris.

Mbajtësit e kësaj kafshe kanë përgatitur dy kontejnerë me një distancë prej rreth dy metrash, me një gjethe brokoli në secilën prej tyre – që përfaqësonte rivalët në këtë finale.

Kur u ul në pellgun ku ndodhej, breshka shkoi në anën e majtë të saj ku ishte imazhi i ekipit anglez, Liverpoolit, duke e zgjedhur si ‘fitues’.

Oktapodi Paul

Breshka aspiron të bëhet ‘studiuesja’ më i mirë nga kafshët e tjera vizionare, si oktapodi Paul, i cili u bë i famshëm në vitin 2010 pasi parashikoi saktë tetë ndeshje të Kupës së Botës më 2010, duke përfshirë fitoren e Spanjës ndaj Holandës në finalen e luajtur në Johannesburg të Afrikës së Jugut më 11 korrik.

Drejtoresha e marketingut të Sea Life Benalmadena, Maria Morondo, vuri në dukje se “Yellow”, e cila peshon më shumë se 100 kilogramë, është “ylli i tunelit Jurassic” dhe shumë vizitorë pyesin për të, megjithëse shpreson që në këtë rast kafsha të ketë gabim, në mënyrë që skuadra spanjolle e drejtuar nga Carlo Ancelotti të fitojë.

Zgjedhja e Yellow, e cila ka bredhur për disa minuta të dyja gjethet e brokolit pa zgjedhur asnjërën prej tyre, në shenjë të qartë se do të jetë një finale e diskutueshme, ka lënë të mërzitur punonjësit e akuariumit, të cilët prisnin që breshka të zgjidhte ushqimin me imazhi i Real Madridit.

Liverpooli shkon për hakmarrje

Real Madridi dhe Liverpooli takohen sërish në finalen e Ligës së Kampionëve, siç ndodhi në vitin 2018, kur skuadra spanjolle mposhti 3-1 anglezët.

Dy gola u shënuan nga Gareth Bale dhe një nga Karim Benzema, ndërsa golin e Liverpoolit e shënoi Sadio Mane. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm